في برنامج طب في مطب اللي يبث على الام بي سي اف ام (mbc FM) كان ضيف الحلقة الكابتن سامي الجابر
هذا تقريبا سيناريو المقلب اللي قام المذيع المتألق ياسر الشمراني..
ياسر: ألو السلام عليكم
سامي: وعليكم السلام ورحمة الله بركاته ، من معي ؟
ياسر : الكابتن سامي الجابر؟
سامي : هلا ،، من معي ؟
ياسر: معاك أبو عبدالعزيز ، انا امضيت عمري كله وانا داعم للهلال ولك انت جماهيريا
سامي: الله يطول بعمرك ويخليك وانا شاكر ومقدر والله يكثر من امثالك ، بس اخوي ابو عبدالعزيز والله الحين انا في اجتماع.
ياسر: تصرفني يابوعبدالله؟!!
سامي: لا والله من جد معي واحد عالانترنت واراسله
ياسر: ابوعبدالله دقيقتين بس مانيب مطول عليك
سامي: سم طيب تفضل
ياسر: ابوعبدالله تكككفى لا تحارب اللاعبين ، اترك اللاعبين في حالهم ، لاتحارب ياسر القحطاني، ولا دوس سانتوس
سامي: سم ، ان شاء الله ما يصير خاطرك الا طيب وانا شاكر لك حرصك
ياسر: ابوعبدالله عندي طلب ثاني
سامي : تفضل انت تامر امر
ياسر: الله يخليك يابوعبدالله والله انت تحرجني
سامي: لا والله لا احرجك ولا شي ، تفضل الله يطول بعمرك
ياسر: عندي ولدي ودي اجيبه للنادي ، هو يلعب زين وان شاء الله انه بيبيض الوجه ومابيك تردني يابوعبدالله
سامي: كم عمره؟
ياسر: عمره 16 سنه وانا كنت خايف عليه عشان الدراسة لكن مادام انه عندك ماعليه خوف ، حتى المدرسين في المدرسة منبهرين من لعبه
سامي: هذا ان شاء الله بيكون في شباب النادي وبيكون مع ناس مختصين ، انت جبه للنادي وان كانه زين ان شاء الله على طول بيسجلونه
ياسر: طيب متى اجيبه يابوعبدالله؟
سامي : فترة تسجيل اللاعبين في الفئات السنية
ياسر : طيب يابوعبدالله نبي نجيب لاعبين من اوروبا ، الحين شفنا بطولة اوروبا ونبي لاعب عالمي
سامي : ان شاء الله بيصير كل اللي تبون وبتنبسطون من الجاي وانا شاكر لك حرصك ، بس ياخوي الحين والله انا مشغول معي وااحد عالانترنت بخصوص اللاعب اللي تبونه ومدري اراسله ولا اكلمك
ياسر : طيب ياكابتن سامي انت كنت ضيف معانا في برنامج "طيب في مطب" عالmbc FM وانا يوم شفتك مشغول قلت مابي اطول المقلب اكثر من كذا
سامي : هلا حياكم الله بس والله من جد هذا اللي صاير انا معي شخص واراسله عالانترنت
ياسر : بصراحة كابتن توقعت انه مقلب؟
سامي: لا والله ما توقعت لانك باين من اسلوبك انك حريص على النادي ، وهذي اول مرة يحصل لي مقلب
ياسر : شكرا لك كابتن سامي واتمنى لك التوفيق
سامي : ياهلا والله
وش رايكم يازعماء ، مسكين ابوعبدالله اكل المقلب
ههههههههههههههههههههههههههههههههههههه
__________________
الجمعة أكتوبر 24, 2008 10:48 am